బాగా పండిన అరటిపండు తక్కువ మొత్తంలో విటమిన్స్ & మినిరల్స్ ఉంటాయి #java present смотреть онлайн

బాగా పండిన అరటిపండు తక్కువ మొత్తంలో విటమిన్స్ & మినిరల్స్ ఉంటాయి | Java Present |

కిడ్నీలకు మంచిది.
అరటి పండ్లలో పొటాషియం ఎక్కువ మోతాదులో ఉంటుంది. ఇది ఎముకలు, దంతాలకు మంచిది. కిడ్నీల ఆరోగ్యానికి కూడా ఇది ఉపకరిస్తుంది. వారానికి 2-3 అరటి పండ్లు తినే మహిళలు కిడ్నీ జబ్బుల బారిన పడే ముప్పు తక్కువని ఓ అధ్యయనంలో తేలింది. అరటి పండ్లు కణ నష్టాన్ని నివారిస్తాయి. యాంటీఆక్సిడెంట్స్ వల్ల అంతర్గత, ఫ్రీ రాడికల్స్ వల్ల కలిగే కణాల నష్టాన్ని తగ్గించడానికి అరటి పండు ఉపయోగపడుతుంది. వ్యాధులబారిన పడకుండా రక్షిస్తుంది.

ఆస్తమా, చర్మ సమస్యలకు మంచి ఔషదం.
రోజుకో అరటి పండు తినడం ద్వారా ఆస్తమా లక్షణాలు తగ్గుముఖం పడతాయి. అరటి పండ్లలో ఫైబర్, పొటాషియం ఎక్కువగా ఉంటాయి. ఇవి బీపీని తగ్గించి, క్యానర్స్తో పోరాడతాయి. ఫ్రీ రాడికల్స్ ఏర్పడటాన్ని అడ్డుకుని ఆస్తమా లక్షణాలను తగ్గిస్తాయి. అరటి పండ్ల వల్ల చర్మం కూడా ఆరోగ్యకరంగా ఉంటుంది. శరీరానికి అవసరమయ్యే మాంగనీసులో 13 శాతం అరటి పండు సమకూరుస్తుంది. అరటి పండ్లలో విటమిన్-C కూడా ఉంటుంది. అరటి పండుతో కళ్ల చుట్టూ ఉండే నల్లటి వలయాలతోపాటు మొటిమలు, మచ్చలను సైతం దూరం చేసుకోవచ్చు.

బరువు తగ్గడానికి.
బరువు తగ్గాలనుకుంటే తప్పకుండా అరటిపండు తినండి. అరటి పండులో కొవ్వు ఉండదు. అలాగే, క్యాలరీలు కూడా చాలా తక్కువ. పూర్తిగా పక్వానికి రాని అరటిలో రెసిస్టెంట్ స్కార్చ్ ఉంటుంది. ఇది కడుపు నిండిన భావన కలిగించి, ఆకలిని తగ్గిస్తుంది. తద్వారా బరువు తగ్గడానికి ఉపకరిస్తుంది. కండరాల తిమ్మిర్లు, నొప్పులు తగ్గడానికి అరటి పండ్లు ఉపకరిస్తాయి. జిమ్లో కసరత్తులు చేసేవారు అరటి పండ్లు తిన్నట్లయితే కండరాలకు ఉపశమనం లభిస్తుంది.

రక్తపోటు, రక్తహీనత సమస్యలు మాయం.
రక్తపోటు సమస్యతో బాధపడుతున్నవారికి కూడా అరటి పండు మేలు చేస్తుంది. అరటి పండులో ఉండే పొటాషియం, సోడియం రక్త ప్రవాహాన్ని మెరుగుపరుస్తాయి. ధమనుల్లోని అడ్డంకులను తొలగించి.. రక్తపోటును నివారిస్తాయి. రక్త ప్రసరణ వ్యవస్థ సక్రమంగా పనిచేయడానికి తోడ్పడుతుంది. స్ట్రోక్, గుండె సమస్యల నుంచి గట్టెక్కిస్తుంది. అలాగే.. రక్త హీనత సమస్యను సైతం నివారిస్తుంది. అరటి పండ్లలో ఉండే ఐరన్.. అనీమియా నుంచి రక్షిస్తుంది.

అరటి పండుతో ఫుల్ ఎనర్జీ.
బాగా పండిన అరటి పండులో బోలెడన్ని కార్బోహైడ్రేట్స్, చక్కెర ఉంటాయి. ఇవి సహజ సిద్దమైన ఎనర్జీ బూస్టర్స్లా పనిచేస్తాయి. ఇవి శరీరానికి శక్తిని అందించి రోజంతా ఉత్సాహంగా ఉండేందుకు సహకరిస్తాయి. మీకు ఎప్పుడైనా నీరసంగా ఉన్నా.. శక్తి కోల్పుతున్నట్లు అనిపించినా ఒక అరటి పండు తినండి. తప్పకుండా కోలుకుంటారు. అయితే, అరటి పండులో ఉండే అధిక చక్కెరలు మధుమేహ రోగులకు లాభం కంటే నష్టమే ఎక్కువ కలిగిస్తాయి. కాబట్టి.. బాగా పండిన అరటి పండ్లను మధుమేహ రోగులు తినకపోవడమే మంచింది.

క్యాన్సర్, అల్సర్ నివారణలో.
అరటి పండు క్యాన్సర్ కణాలతో పోరాడుతుంది. అరటి పండుపై తొక్కపై ఉండే ముదురు రంగు మచ్చలు ట్యూమర్ నెక్రోసిస్ ఫ్యాక్టర్ను ఏర్పరుస్తాయి. అవి క్యాన్సర్, శరీరంలో పేరుకుపోయిన అసంబద్ద కణాలను చంపేస్తాయి. అరటి పండు.. అల్సర్స్ సమస్యలను కూడా దూరం చేస్తుంది. అల్సర్తో బాధపడుతున్నవారు ఎలాంటి సంకోచం లేకుండా అరటి పండును తినవచ్చు. అరటి పండ్లలో ఉండే మృదుత్వం వల్ల పేగులకు ఎలాంటి నష్టం కలిగించవు. పైగా అల్సర్ కారక యాసిడ్లను ఉత్పత్తి కాకుండా నిరోధిస్తుంది.

మలబద్దకం, డిప్రషన్ దూరం చేస్తుంది.
అరటి పండ్లలో ఫైబర్ అధిక స్థాయిలో ఉంటుంది. ఇది మలబద్ధకం నుండి ఉపశమనం కలిగిస్తుంది. పేగులను ఉత్తేజితం చేసి.. జీర్ణాశయంలోని వ్యర్థాలను బయటకు పంపేందుకు సహకరిస్తుంది. దీనివల్ల జీర్ణక్రియ మెరుగుపడుతుంది. అలాగే.. అరటి పండులో ట్రిప్టోఫాన్ వల్ల శరీరాన్ని ఉత్తేజిత పరిచే సెరోటోనిన్ హార్మోన్ విడుదలవుతుంది. దీనివల్ల నాడీ వ్యవస్థ చురుగ్గా పనిచేసి కుంగుబాటును దూరం చేస్తుంది. రోజుకో అరటి పండు తినడం వల్ల ఎంతటి ఒత్తిడినైనా తట్టుకోగలరు.

గర్భిణీలకు ప్రయోజనకరం.
అరటి పండ్లలో ఉండే విటమిన్ B6 గర్భిణులకు మేలు చేస్తుంది. జీవక్రియలు మెరుగవడానికి, ఎర్ర రక్త కణాల ఉత్పత్తికి, అనవసరమైన రసాయనాలను కిడ్నీలు, కాలేయం నుంచి తొలగించడానికి విటమిన్ B6 తోడ్పడుతుంది. కడుపులో బిడ్డ ఎదుగుదలకు ఫోలిక్ యాసిడ్ ఉపకరిస్తుంది. బహిష్టు ( Premenstrual Syndrome - PMS) సమస్యలను తొలగించడానికి కూడా విటమిన్ B6 ఉపయోగిపడుతుంది. ప్రెసెసివ్ సిండ్రోమ్ లక్షణాలను తగ్గించడంలో విటమిన్ B6 ప్రభావం ఎక్కువ. చూశారుగా.. అరటి పండ్ల వల్ల ఎన్ని ప్రయోజనాలు. కాబట్టి.. ఈ రోజు నుంచే రోజూ అరటి పండ్లను తినండి. ఆరోగ్యంగా ఉండండి.