أحدث أتاري CS5 ٤٥٣ لعبة مختلفة ( جهازين في جهاز واحد)

 المقدمة :
السلام عليكم ورحمة الله وبركاته .
أهلاً وسهلاً بحضراتكم فى فيديو جديد من قناة النجاح أون لاين اللي من خلالها بنقدم كل ما هو جديد فى عالم الأجهزة الإلكترونية ولعب الأطفال والهدايا والساعات السمارت وكمان تابعوا عروضنا المستمرة على كل المنتجات اللي فاتت دي
وانهاردة هانتكلم عن منتج جديد معانا من فئة لعب الأطفال وكمان لعب الكبار لإن ليه ذكريات حلوة جداً مع الكبار أكتر من الصغار عشان الألعاب اللي فيه كله بيحبها هانتكلم انهارده عن أتاري CS5 اللي بيجمع مجموعة ألعاب من عدة أجهزة أشهرها ( أتاري ماريو وسيجا ) الأتاري بيكون عليه 453 لعبة مختلفين وبصورة حلوة الألعاب اللي موجودة عليه بتناسب كل الأذواق والأعمار ومسلية جداً .
 العلبة ومحتوياتها :
العلبة من برة بيكون مرسوم عليها صورة الجهاز اللي على شكل البلايتيشن 5 وكمان موضح عليها انه بيشتغل بوصلة أوديو وفيديو اللي هما ال 3 ألوان الأحمر والأصفر والأبيض وصورة دراعه اللي بيكون زي دراع اتاري ماريو ودلوقتي تعالوا نفتح علبة الجهاز ونشوف محتوياتها ونتعرف على الجهاز وكمان نشوف الخامات الممتازة المصنوع منها الجهاز
أول مابنفتح العلبة بنلاقي المحتويات فى علبة فاكيوم شكلها جميل جداً بتضم جميع محتويات الجهاز وهي :
• ده جهاز اتاري cs5 بلونه الأبيض وخامته الممتازة وزي ماحنا شايفين دي أماكن تركيب الدراعات الخاصة بالجهاز ودي الزراير الخاصة بالتشغيل وهما زرارين واحد باور " للتشغيل والإيقاف " والتاني ريستارت " للخروج من الألعاب وإختيار لعبة تانية " ولما بنقلب الجهاز بنلاقي مكان تركيب الترنس وهنا مكان تركيب الوصلة وبيكون ليه قاعدة بيركب عليها عشان يبقى واقف بالشكل ده
• وده الترنس بتاعه بيكون زي شاحن الموبايل يعني لوجراله اي حاجة سهل تشتروه من أي محل موبايلات جنب حضراتكم .
• وده شكل الدراع بيكون نفس دراع اتاري ماريو بس بلون أبيض وخامة ممتازة
• ودي وصلة الأوديو والفيديو زي ماحنا شايفين ال 3 الوان والناحية التانية الطرف الأسود اللي بيركب فى الجهاز .
• ومش بيكون معاه مسدس وده مش عيب فى الجهاز بالعكس ده ميزة لأن المسدس كان بينزل مع الأجهزة القديمة ومش بيشتغل لانه بيختاج التلفزيونات القديمة عشان يشتغل عليها وكمان بيكون ليه لعبة واحدة يعني مش مؤثر نهائياً فى إتخاذ قرار إختيار نوع الجهاز .
ودلوقتي تعالوا نركب كل المحتويات ونعرف طريقة وأماكن تركيبها :
• نبدأ بالدراعين بيتم تركيبهم فى المكان الموضح ده وبيكونوا فوق بعض والدراعات متوفرة لو حصلها أي حاجة بتكون قطع غياره متوفرة ودي ميزة طبعاً
• وبعدين بنقلب الجهاز عشان نركب الوصلة والترنس نبدأ بالترنس وبيكون زي شاحن الموبايل
• وبعدها نركب وصلة الأوديو والفيديو الطرف الأسود فى الجهاز وال 3 ألوان بنركبهم فى الشاشة بالشكل ده وبنفتخ الشاشة وبنختار منها وضع AV ولو عندنا AV1 , AV2 بنختار اللي احنا ركبنا الوصلات فيه بنلاقيه مكتوب جنب مكان تركيب الوصلات فى الشاشة
• ودلوقتي نركب الترنس فى الكهرباء وبيكون ليه لمبة بتوضح ان اشتغل
• وبعدها نضغط على زر الباور فى الجهاز هانلاقيه اشتغل على الشاشة وتعالوا بقى نشوف جزء صغير من ألعاب الجهاز الروعة .
 المواصفات الفنية :
الجهاز بيكون عليه 453 لعبة وزي ما احنا شايفين بنقلب فى القايمة مافيش لعبة شبه التانية كلها ألعاب مختلفة .
 مواصفات الألعاب :
الجهاز بيكون عليه لعبة ماريو القديمة مش الحديثة لإن كتير من عملائنا بيسألونا عليه ماريو ايه ؟
وعليها قائمة ألعاب أشهرها ألعاب ( )
 الخلاصة :
وفى الأخر احب أأكد لحضراتكم أن الجهاز فى منتهى الروعة ويعتبر من أفضل الأجهزة الموجودة حالياً وإمكانياته كمان أفضل من سعره بالمقارنة بالسعر .
الخاتمة :
لو حابين تشتروا الجهاز ياريت تشرفونا على الموقع وتشتروه هاسيب لحضراتكم لينك الموقع وصفحتنا على الفيس بوك والإنستجرام تحت الفيديو عشان تشتروا بأقل سعر فقط لدى مكتبة النجاح أون لاين ونتمنى نكون وضحنا لحضراتكم كل التفاصيل الخاصة بالجهاز ونشوفكم فى شرح منتج جديد
لو في اي استفسار احنا موضحناهوش فى الفيديو ممكن تكتبولنا فى التعليقات
وكمان لوحابين نشرح ونوضح مواصفات اي منتج تاني ممكن تكتبولنا وفى أقرب وقت يكون معمول فيديو توضيح
وفى النهاية لو الفيديو عجب حضراتكم نتمنى تضغطوا على اللايك وتشتركوا معانا فى القناة وتفعلوا زر الجرس عشان يوصلكم شرح كل المنتجات الجديدة
مع السلامة